AbeZimbabwe lokhe bengena ezithaladeni betshengisela beveza ukucasuka kwabo ngombuso okhona elizweni osubangele ukonakala kakubi komnotho welizweni kanye lesimo sombusazwe. Amakhulu abantu afole etshengisela eHarare, ekhokhelwa ngabasakhulayo benhlanganiso ezehukeneyo ezibumba umanyano womkhankaso weTajamuka/Sesijikile, befuna ukuthi umongameli Robert Mugabe ehle embusweni lohulumende wakhe ngoba sebehlulekile njalo bengafuni ukulethelwa imali yephepha yamabond notes.