Ele Iran izolo lize lafeza isithembiso sokuthi lizaphindisela kwele Israel ngokuhlasela lelolizwe ngezikhali ezibalisa indizamtshina ezingela batshayeli, ama drone lama bombha ohlobo lwama missiles.
Ele Israel lazise izolo emini ukuthi kulamabhomba athwalwa ngokuzindizamtshina okungelabatshayeli okuthiwa ngama drone okulubhekise elizweni kuvela kwele Iran.
Isigodlo sikaMongameli, eseWhite House sethule umbiko othi eleMelika lizakuma lele Israel.
Ele Israel labhomba isigodlo sommeli wele Iran kwele Syria ngeviki edluleyo kwafa inkokheli ezikuzinga lama generals eziyisikhombisa.
EleMelika lithe liwise amanye ama drones njalo lebutho le Israel lalo lithe lidubule amanye kunye lama missiles.
Lokhu kwabangela ukuthi umkhokheli wezokholo, enguye olamandla ukwedlula umkhokheli welizwe, uAyatolah Ali Alikhomenei wafunga wagomela esithi bazaphindisela nomakanjani.
Forum