Idale le Senate izolo lilahle imizamo yokuxotsha umphathintambo wezekhaya, i-Homeland Security Secretary, uMnu. Alejandro Mayorkas kusetshsenziswa umthetho we impeachment.
Amalunga ebandla lama Republicans abefuna ukuxotsha uMayorkas besithi uyehluleka ukulungisisa udaba lomngcele weleMelika lele Mexico.
Udaba lolu lulahlwe ngemva kokhetho lwamalunga edale le senate avotele ukuthi lulahlwe.
U-Mayorkas ubesetheswa amacala amabili, elokuqala lingelokwephula umthetho wezekungena lokuphuma elizweni, elesibili kungelokungethembakali ngoba esithi akuladubo emngceleni kodwa lona lukhona.
Lokhu kade kuzakuba ngokwakuqala kuminyaka efika phose ikhulu ukuthi umphathintambo athathelwe Lelinyathelo.
Ukuhlaziya loludaba uChris Gande weStudio Seven uxoxe lolandela ezombusazwe weleMelika, uMnu. Mkhululi Ndabambi.
Kusenjalo, uhlelo lokukhetha abazaphathisa ukutshutshisa icala lowayengumongameli weleMelika, uMnu. Donald Trump, ama jurors, luqhubekela phambili namuhla ngemva kokuxotshwa komunye owayesekhethiwe.
Inenig labatshutshisi laba, abangabantukazana abakhethwa nguhulumende, bacina besuswa ngemva kokucubungula isimo sabo esibalisa abakuloba enkundleni zokuxhumana.
Abayabe betholakele bake baloba ngoMnu. Trump bayaxotshwa ngoba kucatshangelwa ukuthi imbono yabo itshengisa ukusekela uhlangothi.
Forum