Ingcitshi zezemvelo zikhuthaza izizalwane ze Zimbabwe lohulumende ukuba baphathe kuhle lokulondoloza umhlaba abalawo ngoba ungumnotho oligugu.
Lokhu kuphume kungxoxo yengcitshi zezemvelo labafundela lumsebenzi eqoqwe yihosifi yommeli weMelika eZimbabwe eNational Museums and Monuments koBulawayo ngasikhathi sinye kuqhutshwa umbukiso oweZimbabwe International Trade Fair edolobheni linye. Uhulumende weMelika ukhuthaza uzulu ukuba aze embukisweni oweZITF 2024 afike lalapho ababukisa khona.
Ekhuluma eNational Meseums and Monuments koBulawayo umeli weMelika eZimbabwe uNkosikazi Elaine French uchaze ukuba balenkulungwane lenkulungwane zabafundi kunhlelo ezehlukeneyo abasekelwa nguhulumende wakhe ukuhambela amazwe kwezemfundo ezehlukeneyo okuhlanganisa lezemvelo
"Umbukiso weZITF uhamba kuhle lifike lizeboba lifunde okunye njalo esikubukisayo. Uhulumende weMelika uyasekela kakhulu abafundi beZimbabwe leMelika ukuthi baphathe ucwaningo emakolitshini emfundo yaphezulu njalo siyabonga uTy ngokuzophatha ucwaningo ngeSavanna."
UMnu Butholezwe Nyathi ongene ingxoxo yalamuhla uchasisa ukuqakatheka kwemvelo.
"UMnu Ty ulubeka kuhle udaba lokugugudeka komhlaba langesibanga eaeaihambile okudingaa ukuba abantu bafunde ukulondoloza imvelo."
UMnu Ty Loft ofunda ekolitshini eleOxford University eMelika ozeqhuba ucwaningo ngezemvelo eZimbabwe, esebenzela eShangani Ranch, uthi kuqakathekile ukuthi eleZimbabwe lilondoloze imvelo ebukekayo lanxa isimo sesingasihle sekulokuguquka kwaso ngezizatho ezehlukeneyo.
"Ngilapha eZimbabwe ukuzokwenza ucwaningo oluzancedisa ekulondolozweni kwezemvelo lobanje ngingasongcitshi kwezenyamazana umhlaba okwamanje ubhekane lokubalendlovu ezinengi okulakho ukuphazamisa imvelo yethu."
lsakhamuzi sakoBulawayo uMnu Norbert Dube oyingcitshi kwezemvelo uthi bakhathazekile ngokufuthelana okukhona phakathi kwenyamazana zendle labantu eZimbabwe.
"Sesizamile ukulungisisa ezemvelo kundawo ezingamaxhaphozi sekusilela lapho okulomganga khona kuthi ngabe lezisebenzi zekhansili bezikhona zafunda ukuqakatheka kokulondolozwa kwemvelo okungathi kuyasilela ezweni."
UNkosazana Matilda Gondongwe ofunda ekolitshini eleNational University of Science and Technology ongene kulingxoxo namhlanje uthi bafunde ukuqakatheka kwezemvelo okwendlalwe nguLoft.
"Sifunde pkunengi kakhulu kumfundiso eqhutshwe nguTy, ikakhulu kudaba lokutsha komganga kumazwe angaphansi kweSavanna okubalisa lelakithi eleZimbabwe. Ungananzelela sesilendlovu ezinengi okulakho njalo ukuphazamisa imvelo yethu."
Ingcwethi kwezemvelo ezeZimbabwe lemhlabeni jikelele zikhuthaza uzulu ukuba anakekele imvelo alayo ngoba ingumnotho oligugu njalo imvelo ingayekelwa igugudeka kuzadala inhlupho ezehlukeneyo ezingakhokhelela ukuphila nzima kwabantu lenyamazana zendle.
Forum