Sisebenza leZACC Lamapholisa Ukubona Ukuthi Izikolo Ziyamukela iZIG Ukubhadala amaSchool Fees, Kutsho Uhulumende

Uhulumende uthi usebenza logatsha olubona ngokuvikela inkohlakalo olwe Zimbabwe Anti-Corruption Commission, olwe Financial Intelligence Unit, kanye lamapholisa ukuqinisekisa ukuthi izikolo ziyemukela imali entsha eye Zimbabwe Gold kumbe Z-I-G lapho kubhadalwa ama school fees, phambilini kokuvulwa kwezikolo ngoLwesibili.

Embikweni olotshwe ngeSonto, ugatsha lukahulumende olubona ngezemfundo luthi abazali bayavunyelwa ukubhadala ngemali abayifunayo njalo akufanelanga bephoqwe ukuhlawula ngedola leMelika.

Lokhu kulandela imbiko ethi ezinye izikolo bezisenqaba ukwamukela imali yeZIG.

Ukuze sizwe okunengi ngaloludaba, sixoxe loMnu. Thembakuye Moyo, isikhulumeli senhlanganiso elwela amalungelo ababalisi eye ARTUZ.

UMnu. Moyo uphinde wachasisa ngohlelo lwabo lokutshengisela kumalanga ambalwa azayo uhulumende engekela ukulalela izikhalazo zabo zokubengezelela iholo.

“Simbonile umongameli enikeza obegida imali efikaku 100 US Dollars. Lathi sizaziqoqa njengababalisi sigide mhlawumbe engalalela izikhalazo zethu,” kutsho uMnu. Moyo.

Embed share

Ingxoxo loMnu. Thembakuye Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:22 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala