Uhlangothi lukahulumende olubona ngendaba zamanzi elizweni olweZimbabwe Water Authority-ZINWA luthi udubo lwamanzi luzakwengezelela lonyaka endaweni ezinengi zelizwe ngenxa yesomiso.
Isikhulumeli seZinwa uNkosikazi Marjorie Munyonga ukhuphe amazwi la izolo embikweni obonwe liphephandaba leNewsday.
Uthe inani lendawo ezikhangelelwe ukuthi ziphelelwe ngamanzi umnyaka ungakapheli lengezelele lisuka kusilinganiso esedlula itshumi lambili ekhulwini i-12.8% lisiya kusilinganiso esedlula itshumi lane ekhulwini i-14.9% kuyonalinyanga.
Kodwa izakhamizi zemadolobheni anjenge Harare leBulawayo aseleminyaka ekhangelane lodubo lolu njalo isomiso sibikwa sizakwengeza kakhulu udubo lolu koBulawayo njengoba amadamu akulumhlubulo engasela manzi.
Asenelisanga ukuxhumana lesikhulumeli seZinwa ngaloludaba njengoba besingakaphenduli imibuzo ethunyelweyo.
Owayengumgcinisihlalo wenhlanganiso elwela amalungelo ezakhamizi zako Bulawayo eyeProgressive Residents Association uMnu Ambrose Sibindi utshele iStudio7 ukuthi kufanele kudingwe indlela zokuqeda udubo lwamanzi ngokuphangisa engakapheli.
Forum