amalinks wokungena

Breaking News

Abacatshangelwa Ukuthi Ngama CIO Babhaxabula Abamthumbileyo


UMnu. Kudakwashe Kambanje (Photo: ZimRights)
UMnu. Kudakwashe Kambanje (Photo: ZimRights)

Ukuthunjwa lokuhlukuluzwa kwabaphatheka emikhankasweni eyehlukeneyo yokukhonona ngokwenzakala eZimbabwe kuqhubekela phambili.

Omunye wabakhokhela benhlanganiso yabaphila ngokuthengisa eye National Vendors Union of Zimbabwe (NAVUZ) uthunjwe ngoLwesibili emzini wakhe wafunyanwa etshayelwe ukufa eMazowe.

Umgcinisihlalo wenhlanganiso le, uMnu. Kudakwashe Kambakunje, uthunjwe kusihlwa, ngabacatshangelwa ukuba ngabezomvikela abasebenza nsitha abe Central Intelliegence Organization, watholakala emapulazini abucwadlana leMazowe, ebhaxhabulwe kakubi.

Elandisa esesibhedlela lapho agijinyiselwe khona, Kambakunje uveze ukuba uthunjwe phakathi kwamabili ngabantu akade belitshumi lanhlanu.

Uthe baze behamba ngemota ezinhlanu, ezimbili zazo kungezohlobo lwamaTwin Cab, ezintathu kungezohlobo lwe Toyota Chaser ebezingela nombolo.

UMnu. Kudakwashe Kambakunje esesibhedlela.
UMnu. Kudakwashe Kambakunje esesibhedlela.

UKambakunje uthe utshaywe kakubi wathathelwa konke abekade elakho okubalisa impahla, wenziwa esika Sylvanos Mudzvova, omunye wabaphatheke kumikhankaso yokuba asuke esikhundleni umongameli Mugabe, wahlatshwa ijekiseni angazi ukuba ibilomuthi bani.

Ekunanzeleleni ukuba omunye wabo usengozini, bazamile abanye bakhe ukumsiza kodwa basabalala, sekukhala imibhobho.

Emhlanganweni lentathelizindaba, owenzelwe emawofisini eNAVUZ, umkhokheli walenhlanganiso elwela amalungelo abaphila ngokuthengisa, uMnumzana Stan Zvorwadza, uthe lesisihluku sokuthunjwa komunye wabo senzakala inkokheli kuhulumende izithulele, ingatsho lutho phezu kokwenzakalayo.

Uthe yena labanye bakhe baleqiniso lokuba yimisebenzi kahulumende lemizamo yakhe yokwethusela abantu ukuba bangaze bavusa amakhanda, loba ukuveza imbono yabo ngobubi bobukhokheli bukahulumende we Zanu PF.

Asenelisanga ukukhuluma lamapholisa leziphathamandla zebandla leZanu PF ngodaba lolu.

Okwenzakale ku Kambakunje labanye abantu kusolwe kakhulu nguzulu osemikhankasweni eyehlukeneyo, ukuthunjwa kwabantu mahlayana. Omunye wabo kunguMnumzana Charles Nyoni, owe Occupy Africa Unity Square othe kuyasoleka lokuthula kukaMugabe kudaba lolu.

Udaba Esilethulelwe NguMavis Gama
please wait

No media source currently available

0:00 0:03:26 0:00
Lapho esitholakala khona

XS
SM
MD
LG