amalinks wokungena

ZEC: Abahlala Emazweni Labavalelwe Entilongweni Kabavoti

  • Mavis Gama

FILE - Izizalwane zeZimbabwe zivota duzane leHarare ngomnyaka ka2013.

Abekhomishini ebona ngezokhetho eye Zimbabwe Electoral Commission (ZEC) bathi kabanelisi ukwenza ukuba abasemajele lalabo asebehlala emazweni ukuthi bavote ngoba umthetho olawula ngezokhetho elizweni ungabanikezi amandla okwenza njalo.

Lokhu kuvezwe ngumgciniusihlalo we ZEC, uJustice Rita Makarawu, emhlanganweni aweze leziphathamandla zenhlanganiso ezisebenza lozulu wokwandulela owenhlangothi zonke zempilo owe All-Stakeholders Meeting ozakwenziwa ngoLwesine.

UMakarau uthe akula obapha lawo mandla ngokusemthethweni ukuze bavunyelwe ukuvota abasentolongweni kanye labahlala emazweni.

Kodwa uzulu unikeze imibono ehlukeneyo abanye bevumelana le ZEC kodwa bekhona njalo abakuphikisayo.

UMnumzana Keith Mashayamombe, omunye wabaphikisana okutshiwo ngabe ZEC, uthe kulilungelo labasentolongweni ukuba bavote labo njengaye wonke umuntu elizweni.

UMnumzana Jeffery Moyo yena uthe kungumthwalo wedale lephalamende ukukulungisisa lokho ngoba kungekho okungenziwa ngabe ZEC ukulandela izifiso zikazulu lenhlanganiso ezisebenza zizimele.

Abe ZEC bathi lesi simo sinzima lakibo. Bakhuthaze abenhlanganiso ezisebenza lozulu ukukhankasela ukulungisiswa kwaso enelise ukuvota abasemajele lezizalwane zeZimbabwe ezihlala emazweni.

Bathe kumele ilungisiswe imithetho emidala ukuze ihambelane lesisekelo sombuso sona esithi kulilungelo lakhe wonke umuntu oleminyaka elitshumi lasitshiyagalombili (18 years) ukuthi avote.

XS
SM
MD
LG