amalinks wokungena

Abahlala Kwamanye Amazwe Basola Imali Yama Bond Notes

  • Chris Gande

Izizalwane zeZimbabwe ezihlala phandle kwelizwe zilokhu zithandabuza ngodaba lwama bond notes ngoba lokhu kungakacaci ukuthi imali ethunyelwa elizweni ithathwa isiyisimo bani.

Kulabanye abathi bayiphiwa isingama bond notes bona bethumeze idola leMelika.

Abanye ngabathi baphiwe imali abayithunyezelweyo isixubanisiwe idola leMelika lama bond notes.

Phambilini kokusungulwa kwemali le uhulumende wathi uzakupha imali eyisilinganiso sokuhlanu ekhuluwini phezu kwemali eyabe ithunyeziwe.

Kodwa abanye abathunyezelwe imali le bathi kabazange bayithole imbasela eyathenjiswa nguhulumende.

Sixoxe loMnu. Stanley Torima isakhamuzi seDete esabelweni seMatabeleland North esike sathunyezelwa imali yisihlobo esisemazweni.

"Okwakathesi nxa abantu bethunyezelwa imali eWestern Union bayaphiwa ingama US dollars."

XS
SM
MD
LG