amalinks wokungena

Breaking News

MSF: Abahlukunyezwa Emacansini Bafela Ngaphakathi


UNkosikazi An Vanderborne.
UNkosikazi An Vanderborne.

Abenhlanganiso yabodokotela abangela mingcwele eye MSF, bathi isilinganiso sokungamatshumi amabili ekhulwini (20%) sabahlukunyezwa kwezemacansini loba ukudlwengulwa, yibo kuphela abaphuma egcekeni ukuyadinga usizo ezibhedlela lemakilinika.

Inhlanganiso le ithi abahlangana lodubo lokuhlukunyezwa kundaba zemacansini loba ukudlwengulwa, kusenziwa ngabantu abaziwayo, bafika inani eliyisilinganiso sokungamatshumi ayisitshiyangalo mbili ekhulwini – 80%.

Obona ngokuqhutshwa kwenhlelo kuMSF, kuhlelo lwekilinika yeEdith Opperman, emzini weMbare, uNkosikazi An Vandeborne, uthi lokhe liphansi kakhulu inani labesilisa kanye labesifazane asebebadala, elibika izehlakalo zalokhu kuhlukunyezwa.

Abe MSF baveza ukuba liqhubeka liqansa inani labahlangana laloludubo kodwa inengi lokhe lifihla, abantu besesaba ukuziveza ngezizatho ezehlukeneyo okubalisa ukwesaba lenhloni.

Uzulu ukhuthaza ukuvezwa kwalezi zehlakalo, bamangalelwe emapholiseni abadala amacala anje kanye lokuphangisa ukudinga usizo lokuzivikela kumikhuhlane ethelelanwa emacansini, kakhulukazi igciwane le HIV kwalowo owehlelwe ludubo lolu.

Lentathelizindaba lazo zikhuthazwa ukuloba indaba zokuhlekumezana kwezemacansini lokudlwengulwa, ukusabalalisa ulwazi kokumele kwenziwe lapho umuntu ethe wahlangana laloludubo.

XS
SM
MD
LG