Inhlangansiso ezimela izakhamizi lezisekela imisebenzi yentuthuko sezikhala ngokuphuza osokusenza uhulumende ukuvumeza izabelo leziqinti ukuba zizibuse phansi kohlelo lwe devolution zisithi lokhu kubisela muva imisebenzi yenthuthuko kulezindawo.
Inhlanganiso lezi ezigoqela iHarare Residents Trust, iChitungwiza Residents Trust le Centre for Community Development in Zimbabwe, zisanda kubhalela idale lephalamende zisola ngokuphuza kokulungisiswa komthetho wokuba izabelo zibelozibuse.
UMnu. Marvelous Khumalo, wenhlanganiso emela izakhamizi ze Chitungwiza eye Chitrest, uthi abantu sebezondiswa yizenzo ezinje.
UMnu. Admire Zaya, osebenzelana lezakhamuzi ze Chitungwisa, uthi idevolution bayimelele ngamehlo abomvu ngoba ingabaphathisa ukuba bahlele ezentuthuko ngendlela ekhanyayo.
Umsekeli kamongameli welizwe, uMnu. Emmerson Mnangagwa, onguye njalo ophethe ugatsha lwezemithetho uhlala esithi uhulumende uzinikele ukuthi imithetho yonke ihambelane lesisekelo sombuso.
