amalinks wokungena

Breaking News

Ezinye Izizalwane zeZimbabwe Zamukela Ukunqoba KukaTrump


Umnumzana Donald Trump osenqobe kukehtho lukamongameli weMelika
Umnumzana Donald Trump osenqobe kukehtho lukamongameli weMelika

Ukunqoba kwelunga le Republican umnumnzana Donald Trump ekhethweni lukamongameli wakweleMelika sekwemukelwe ngezandla zombili ngezinye izizalwane zeZimbabwe kweleSouth Africa kanti abanye bathi besabela ukuthi umnumnzana Trump engadala uhlupho emhlabeni jikelele.

Sekuyisikhathi. Ngiyathembisa zonke izizalwane zakweleMelika ukuthi ngizakuba ngumongameli wabo bonke. Le yinto eqakatheke kakhulu kimi.La ngamazwi asetshiye inengi lezizalwane zeZimbabwe lingelamathe kanti abanye bathi bethukile ngokunqoba kukamnumnzana Trump ekhethweni lukamongameli.

AbeZimbabwe laba bathi nkulumo zikamnumnzana Trump ezitshengisa ukuthi akabathandi abakwamanye amazwe abahlala eMelika, njalo akanaki kangakho abampofu okuyibo abanengi e Africa, yikho okwenza besabela ikusasa yomhlaba.

Abanye njalo bathi njengomuntu obesaziwa ngokukhuluma loba yini, akulaqiniso lokuthi nxa eselamandla okuba ngumongameli uzadlelana kuhle yini lamanye amazwe ikakhulu angavumelani leMelika kokuthile.

Isifundi seZimbabwe uArnold Tidahungwe ofunda eUniversity ye Johannesburg, uthi kuyingozi ukuba lomongameli onjengomnumnzana Trump ebusa ilizwe elilamandla emhlabeni jikelele njengoMelika.

Uzasiqeda sonke ngoba yena ucabangela iMelika kuphela. Uzakuba ngumongameli omubi. Akucabange ukuthi uTrump nxa eselamandla okusebenzisa izikhali zeNuclear uzakwenzani emhlabeni. Bekulokuthula phansi kombuso ka mongameli oBama. Asazike kuyozalwa nkomoni phansi koka Trump.

Loba kunjalo abakhona abathi uTrump nguye umongameli ofanele abuse iMelika. Isizalwane seZimbabwe mnumnzana Titus Ndlovu uthi ubevele esesesabela ukuthi ukungezwani obesekukhona phakathi kweRussia leMelika phansi kobukhokheli bukamnumnzana Barack Obama kungadala impi yomhlaba. Uthi njengoba uTrump lomongameli weRussia umnumnzana Vladimir Putin kubonakala bezwana, uselethemba lokuthi lokufuthelana obesekukhona phakathi kwamazwela womabili kuzaphela.Kodwake indlela ayephatha ngayo abesifazana phambilini , layo yenza abanye bathi bekungafanelanga abengumongameli.

Ingcitshi zona zithi inkulumo zakhe zokuthi uzakwesula ezinye izivumelwano zokuthengiselana phakathi kweMelika lamanye amazwe, kwenza kungabi leqiniso lokuthi ubudlelwano beMelika leZimbabwe buzahamba njani.

Abanye njalo bathi mhlawumbe umnumnzana Trump uzasisa ukubamba ngamandla uhulumende weZimbabwe ukuvikela lokuqinisekisa ukuthi amalungelo oluntu ayahlonitshwa.

Udaba lwembono ehlukeneyongokukhethwa kukaTrump siluphiwa nguBenedict Nhlapho
please wait

No media source currently available

0:00 0:03:18 0:00
Lapho esitholakala khona

XS
SM
MD
LG