amalinks wokungena

Breaking News

Kambe Umthetho Wokukhumisana Umlotha Uzavula Amanxeba Akudala Na?


Ozakuba ngumthetho wokukhumisana umlotha owe National Peace and Reconcilliation Bill uyahlaziywa edale lephalamende lanxa kuthiwe ubuyiselwe kukhomidi yezemithetho uyohlolisiswa ukuthi awephuli isisekelo sombuso.

Kutholakale ukuba lumthetho uzakwenza ikhomishini ebona ngokukhumisana umlotho ibe lesikhathi esilutshwana ewofisini lokunye okunjalo.

Kodwa umsekeli kamongameli, uMnu. Phelekzela Mphoko, ubesedale le phalamende ngoLwesibili lapho asekele lumthetho.

Amanye amalunga ebandla leZanu PF athi lumthetho akumelanga ubunjwe ngoba uzavula amanxeba akudala.

Abanye bathi nxa lumthetho ungabunjwa kumele ukhangele udlakela olwenziwa ngesikhathi seGukurahundi kuphela. Kulabanye njalo abathi kumele kukhangelwe labathinteka ngodlakela olwenziwa phambilini kokhetho luka 2008.

Ukuhlaziya loludaba sixoxe lommela iBulawayo East edale lephalamende, uNkosazana Thabitha Khumalo loMnu. David Ndlovu, ilungale ledale le Zanu PF Central Committee yeZanu PF.

UNdlovu uthe: "Mina ngivumelana lo VP Mphoko. Kuyadingakala ukuthi iBill le iqhubekele phambili."

UKhumalo laye uthi uyavelana lembono kaNdlovu kodwa wengezelela esithi: "Sihlezi kathesi silabantwana abelimnyaka engamatshumi amathathu lane (34 years) kodwa abenelisi ukuthola usizo ngoba bengela birth certificates."

please wait

No media source currently available

0:00 0:04:10 0:00

XS
SM
MD
LG