amalinks wokungena

Breaking News

Inhlanganiso Zabatsha Zisungula Inhlelo Zokukhuthazana Ukubhalisa Ukuvota


ZEC
ZEC

Inhlanganiso ezikhokhelwa ngabatsha ezifana leye Education & Unemployment Youth Forum of Zimbabwe lezinye sezisungule inhlelo zemfundiso lokukhuthazana ngokuqakatheka kokubhalisa ukuvota.

Amalunga enhlanganiso lezi akhuthaza abasakhuyo ukuthi babhalise ukuvota kukhomishini ye Zimbabwe Electoral Commission ukuze bavote kukhetho lweZimbabwe oluzakwenziwa ngomnyaka ozayo.

UMnumzana Zenzo Nyoni, omunye wabatsha abalwela amalungelo oluntu koBulawayo, oyisiphathamandla senhlanganiso ye Education & Unemployement Youth Forum of Zimbabwe uthi balohlelo olulesihloko esithi ‘Vote all in 2018’ lokukhanga abasakhulayo ukuthi bavote kuhlelo lolu.

UNyoni uthi kuzamele ukuba babone ukuthi bayavota ngomnyaka ozayo njalo longomnyaka ka2022 ukwenzela ukuthi kubelozibuse ogcweleyo eZimbabwe.

Uqhubeke esithi okwenza ukuthi inhlanganiso yakhe isungule uhlelo olunje lokukhuthaza abatsha ukuthi bayebhalisa ukuthola ilungelo lokuvota, kungenxa yokuba bakubona ukuthi isisekelo sombusazwe weZimbabwe asinanzi kangako izifiso zabontanga.

Omunye njalo wabasakhulayo, uMnu. Akim Mhlanga, owebandla lezombusazwe ele Mthwakazi Republic Party, uthi abadala bavame ukungalaleli abatsha loba ukubanika amathuba wokwenza abakufisayo.

Abadala sebedlale indima yabo sokwanele khathesi sokuyisikhathi sabatsha … (Abatsha) Kabayekele ukuba bekhala ukuthi akula obalalelayo basukume babone ukuthi bangalwela njani

UNyoni lo Mhlanga bayavumelana labantu abafana lo Mnu. Victor Chimhutu, ongumkhokheli owebandla leZimbabwe Yadzoka esebenza ukukhuthaza abatsha ukuthi bayobhalisa ukuthola ilungelo lokuvota, ukuthi kuqhakathekile kakhulu ukuthi ontanga bayobhalisa kukhomishini ebona ngezokhetho eye Zimbabwe Electoral Commission ngoba elakusasa lelizwe leZimbabwe lisezandleni zabasakhulayo.

Udaba Esilethulwe NguMike Hove
please wait

No media source currently available

0:00 0:03:07 0:00

XS
SM
MD
LG