amalinks wokungena

Abathengisa Impahla Ezitaladini Kabawafuni Ama Bond Notes

  • Mavis Gama

Inkokheli yabathenga bethengisa ezitaladini.

Abenhlanganiso yabaphila ngokuthengisa ezitaladeni eye Zimbabwe Chamber of Informal Economy Association (ZCIEA) bamanyana lozulu bechothoza inkulumo kahulumende yokufuna ukwethula imali yohlobo lwama bond notes besithi izaphazamisa umsebenzi wabo.

Abenhlanganiso le bathi ukwethula imali yama bond notes kuzabaphazamisa bona kakhukulu, bona bevele besebunzimeni kwezomnotho.

UNkosikazi Edna Sayi, ongumfelokazi ophila ngokuthengisa inkukhu esigabeni seZhombe, emela abalobugoga enhlanganisweni ye ZCIEA, uyasola kakhulu lokhu osokusenziwa libhanga elikhulu leReserve Bank of Zimbabwe.

Obona ngezokuqoqwa kwenhlelo enhlagnanisweni ye ZICIA, uNkosazana Maria Masango, uthi iyamethusa laye indaba yama Bond Notes njengomuntu ophila ngokuthengisa impahla ayithenga kwamanye amazwe.

Umbono lo ugcizelelwe nguNkosikazi Lorrain Sibanda okhokhela uhlangothi lwe ZICIEA onguye njalo osanda kukhethwa ukukhokhela inhlanganiso emela abaphila ngokuthengisa kuzwekazi le Africa, eye Street Net International.

Amalunga enhlanganiso ye ZICIEA, athi kungaba ngcono nxa uhulumende engasebenzisa imali ye South Africa, eye Rand yona esetshenziswa njalo lakumazwe abalisa ele Swaziland, Namibia le Lesotho, kusadingwa amacebo angasethenziswa ukuqeda udubo lwemali.

Uzulu elizweni usethuswa yindaba yokulethwa kwemali yama Bond ngoba engamthembi uhulumende elokhu esakhumbula izehlakalo zomnyaka ka 2008 ezamtshiya engaselamali emabhanga isiguquluwe yaba ngana bearer’s cheques.

XS
SM
MD
LG