amalinks wokungena

Abesifazana beZimbabwe Badaniswa Yikunqotshwa kukaNkosikazi Clinton


Abesfazana beZimbabwe bathi badane okwamagama ngempumela yokhetho lweMelika

Abesfazana beZimbabwe bathi badane okwamagama ngempumela yokhetho lweMelika

Impumela yokhetho oluqhutshwe eMelika lokudinga umongameli, lutshiye umhlaba jikelele umangele okugoqela abesifazana abaphatheke kwezombusazwe eZimbabwe aseveze ukudana kwabo bethi ukunqotshwa kukaNkosikazi Hillary Clinton kubatshiye esikhaleni ngoba kunengi abakade bekukhangelele uma ebenganqoba.

Abesifazana beZimbabwe bathi badaniswe yikunqotshwa kukaNkosikazi Hillary Clinton

Abesifazana beZimbabwe bathi badaniswe yikunqotshwa kukaNkosikazi Hillary Clinton

UNkosikazi Patricia Tshabalala uMqondisi weVulindlela Childrens Home uthi ngempela balokudana okukhulu ngokunqotshwa kukaClinton ethi njengowesifazana ubekhangelele ukunqoba ukuze inhlelo zabesifazana labantwana zizathuthuka emhlabeni jikelele ngoba iMelika kuyiyo eba yisibonelo enhlelweni ezinengi.

Obona ngezemfundo kubandla leZapu uDokotela Mildred Mnkandla ukhuthaze abesifazana emhlabeni jikelele ukuba mabangalahlekelwa lithemba ngokunqotshwa kukaClinton kodwa abahlale phansi baphume lamasu azabanceda uma ekhona njalo onunye owesifazana ongabhekana lokubhekane loClinton ukuze okwenzakeleyo kungaphindi.

Abesifazana beZimbabwe bathi badaniswe yikunqotshwa kukaNkosikazi Hillary Clinton

Abesifazana beZimbabwe bathi badaniswe yikunqotshwa kukaNkosikazi Hillary Clinton

Unobhala jikelele webandla leMDC, uNkosikazi Rita Ndlovu laye uveze ukudana kwakhe ngokunqotshwa kukaClinton ethi ubengakukhangelelanga njalo kubeliphutha elenziwe ngabantu beMelika.

UNkosikazi Barbra Tanyanyiwa olilunga lebandla leMDC-T kunye lenhlanganiso yezisebenzi eyeZCTU yena uthi udaniswe kakhulu ngokunqoba kukaMnunzana Donald Trump ngoba ekukhulumeni kwakhe ekhankasa kazange atshengise izibonelo zokuba yinkokhjeli eqotho.

Abanye njalo abathe baxoxa loMsakazo weStudio 7 babike ukuba uTrump engabe esebenzise ubugwelegwele wanqoba ngoba ukutshengisela osekuqalile eMelika kukhombisa ukuba labantu kabavumelani lempumela yokhetho.

Abesifazana beZimbabwe bathi badaniswe yikunqotshwa kukaNkosikazi Hillary Clinton

Abesifazana beZimbabwe bathi badaniswe yikunqotshwa kukaNkosikazi Hillary Clinton

Kodwa abanye njalo omama bathi uClinton ubenganqoba kodwa amacala omkakhe uBill Clinton engabe ebangele ukuba ikhosikazi lakhe lidliwe njalo lokhu kuyisifundo kwabezombusazwe ukuba amacala akho ayalandela imuli.

Inengi labantu koBulawayo belithumela imibono enkundleni zebulenjini ezibalisa ofacebook, otwitter labo whatsapp bekhombisa ukudana bethi uTrump ukhanya ezabusa ngocuku ngoba inkulumo zakhe ngesikhathi ekhankasa kazange akhethe amabala njalo leminye imisebenzi yakhe ayimvezi njengomuntu ongabusa abantu bethi bazayicela isivuthiwe.

XS
SM
MD
LG