amalinks wokungena

Amapholisa: I-ZPP Ayibhaliswanga Emthethweni


Amapholisa athi azaqhubeka ebopha abenhlanganiso ezizimeleyo abephula umthetho ngokufuna ukuphazamisa ukhetho.

Isikhulumeli samapholisa uCharity Charamba ulandule ngolweSibili imbiko ethi amapholisa aqhuba umkhankaso wokubopha amalunga enhlanganiso ezizimeleyo kungela zizatho kodwa kuyikuhlukumeza uzulu phambilini kokhetho.

Lokhu kulandela imbiko yokuthi inhlanganiso ye Zimbabwe Peace Project kayilamvumo yokusebenza elizweni. NgoLwesibili amapholisa angene emahofisini enhlanganiso ye Zimbabwe Election Support Network-ZESN, athatha imitshina yokusebenzisa egoqela amacomputer. Kuviki edluleyo zikhona njalo ezinye inhlanganiso ezike zangenelwa ngamapholisa.

UChris Gande weStudio 7 uxoxe lomsekeli wesikhulumeli secele leMDC elikhokhelwa nguMnu. Morgan Tsvangirai, uMnu. Joel Gabhuza othi ibandla lakhe likhathazwa yizenzo zamapholisa lezi.

XS
SM
MD
LG