amalinks wokungena

Breaking News

Amapholisa Ayalisa Abamasonto Ukutshengisela


Amapholisa seyalise abamasonto koBulawayo ukutshengisela ngoLwesihlanu besola umthetho omutsha obamba abantwana besikolo ngamandla ukuthi bakhonze iflag yeZimbabwe.

Uhlelo lolu lusolwa kakhulu nguzulu esithi lwephula amalungelo abantwana besikolo.

Abamasonto laba bathi sebesungule umkhankaso okhuthaza abazali ukuthi balobele abaphathi bezikolo incwadi bebazisa ukuthi kabafuni abantwababo bafunge kumbe bakhonze iflag.

“Lincwadi iyabe itshela ke umphathi ukuthi umzali kavumeli umntwanakhe ukuthi abe yingxenye yohlelo lolu,” kutsho omunye wabafundisi abaqoqa umkhankaso lo uMnu Useni Sibanda.

Izikolo zivuliwe ngoLwesibili abantwana befungiswa ukukhonza iflag lokuhlonipha amaqhawe elizwe, njalo bethembisa ukuthi bazakuba ngabantu abathembekileyo.

Isifungo lesi, esisungulwe ngumphathintambo wezemfundo yaphansi uMnu Lazarus Dokora, sesicunule abantu abanengi abafuna sesulwe.

Amagqwetha abona ngokulondolozwa kwamalungelo oluntu labazali sebephikise isifungo lesi emthethwandaba wesisekelo sombuso.

please wait

No media source currently available

0:00 0:02:18 0:00
Lapho esitholakala khona
XS
SM
MD
LG