amalinks wokungena

Breaking News

IGMB Itshapazwa Yiziphathamandla Zikahulumende: Biti


Umphathintambo wezemali uMnu Tendai Biti sesole inkampani yeziphala zesizwe iGrain Marketing Board (GMB) ngendlela esebenza ngayo esithi imele iguqulwe ukuze yenelise ukusebenza kuhle.

UBiti utshele ikomidi yedale lephalamende ebona ngezokulima ukuthi inkampani yeGMB ayenelisi ukugcina ingwalo ezibeka sobala ukusebenza kwayo.

Uthi abalezikhundla eziphezulu kulinkampani kanye lakuhulumende baphatheka kubusela osobubangele ukusilela kwemvundiso ye-ammonium nitrate elizweni, okuyinto athi iphazamisa imisebenzi yokulima.

Kunjalo nje, uBiti utshele intathelizindaba ukuthi ilizwe alilamali yokwenza ukhetho lonyaka njengokufuna kweZanu PF.

UMnu Biti uthe imali yonke izaphelela ku-referendum yesisekelo sombuso esitsha lakuhlelo lokubalwa kwabantu, i-census ezakwenziwa ngoNcwabakazi.

XS
SM
MD
LG