amalinks wokungena

Breaking News

Buyaqina Ubudlelwano Bedolobho LakoBulawayo leFrancistown


UNkosikazi Nesisa Mpofu
UNkosikazi Nesisa Mpofu

Abekhansili yedolobho leFrancistown kweleBotswana bethekelele ikhansili yakoBulawayo okwesibili okwamalanga amahlanu ukuzofunda imithetho yakoBulawayo mayelana lezempilakahle lokuphathwa kwabaphila ngokuthengisa emalungiselelweni okubumba ukusebenzelana phakathi kwamadolobho womabili osekufike esibangeni esiphezulu.

Isikhulumeli sikamanisiphala wakoBulawayo, uNkosikazi Nesisa Mpofu, uthe izisebenzi zamakhansili amadolobho womabili zikhangelelwe ukuqinisa ukusebenzelana lokhu okulakho ukuvuselela umnotho kaBulawayo ngokuya kwesikhathi.

UMpofu uthe ukuza kwabekhansili yeFrancistown kujonge ukuqinisa ukusebenzelana ukuze abakumabhizimusi lokuthengithengisa kumakhansili omabili basebenzelane kahle.

Uphinde wathi ikhansili yeFrancistown izokhangelisisa ukuba imithetho yabaphila ngokuthengisa isebenza njani ukuze babelane ulwazi endaweni ezifana lokuvimba ukuqhamuka kwemikhuhlane ekusebenzeni kwabo.

UMnumzana Nkululeko Nkomo, isakhamuzi sakoBulawayo uthe izakhamizi zakoBulawayo ziyajabula ngobudlelwano obudalwa ngamadolobho womabili ngoba inengi labosomabhizimisi bakuleli bayathenga bethengisa impahla besuka lazo kumadolobho womabili okulakho ukuletha imali ezweni kanye lentuthuko.

Inengi labosomabizimisi bathi iBCC kumele ingayekethisi iqinise lobu budlelwano ngoba iFrancistown iduze kakhulu lakoBulawayo okwenza ukuba kubelula ukuthenga lokuthengisa impahla kweleBotswana.

Abesifazane abaphila ngokuthengisa bacele ukuba ubudlelwano obudalwa ngamadolobho womabili bungapheleli ekukhulumeni kuphela kodwa bukhule ukuze umabefika lokuthengiswayo eFrancistown, amapholisa kahulumende lawekhansili angabahlukuluzi.

Bathe kumele amadolobho la aphume lemithetho ezalawula intuthuko yebhizimusi emadolobheni womabili.

Udaba Esilethulelwe NguNompumelelo Moyo
please wait

No media source currently available

0:00 0:02:23 0:00
Lapho esitholakala khona

XS
SM
MD
LG