amalinks wokungena

Breaking News

Kuqhubekela Phambili Ukuxokozela Kuhulumende kaTrump


uNkosikazi Betsy DeVos, osekhethwe nguMongameli Donald Trump ukuba ngumphathintambo wezemfundo
uNkosikazi Betsy DeVos, osekhethwe nguMongameli Donald Trump ukuba ngumphathintambo wezemfundo

Ukukhethwa kuka Nkosikazi Betsy De Vos nguMongameli Donald Trump waseMelika ukuthi athathe isikhundla sokuba ngumphathintambo wezemfundo sokubangele inhlupho ezithile abanye abantu abanengi besithi lumama akalalo ulwazi olujulileyo ngezemfundo.

Umsakazo weVoice of America okhulume leziphathamandla zababalisi labanye abakhangelane lezemfundo ibika ukuthi abantu abanengi kabalathemba lokuthi uDe Vos uzaqhuba kahle umsebenzi.

Inengi labantu abaphikisa leli nyathelo likaTrump lithi uDe Vos angathatha isikhundla lesi ithi lokhu kuzaphambanisa elakusasa labasakhulayo eMelika kanye lezifundi zonke nje.

Isizalwane seZimbabwe, uMnumzana Thandeko Zinti Mnkandla, oyingcwethi kwezemfundo, uthe akukhanyi kahle ukuthi uDe Vos uzakwenzalani izifundi lababalisi labanye abasebenza umsebenzi ofanayo.

“Thina abantu abaphesheya sibona engathi uTrump akenelisi umsebenzi alawo njengo mongameli oweMelika, engxenye ukhangelele kakhulu njengoba sesiyazi ukuthi ungusomabhizimusi, singabona ulwazi lwakhe luphelela khonapho.”

UMnkandla uphinde wathi uDe Vos angathatha leso sikhundla kuzaphambanisa umphakathi kwele Melika ngoba ngombono wakhe kuzamotsha ikusasa yabasakhulayo.

Kasenelisanga ukukhuluma labamele uhulumende kaTrump.

Ingxoxo esiyenze lo Mnumzana Thandeko Ziniti Mkhandla
please wait

No media source currently available

0:00 0:02:04 0:00
Lapho esitholakala khona

XS
SM
MD
LG