amalinks wokungena

I-Air Zim Ibhadalela Indizamtshina Ezingasebenziyo


Air Zimbabwe

Air Zimbabwe

Inkampani ye ndizamtshina eye Air Zimbabwe iyavuma ukuba ibhadalela indizamutshina engazisebenzisiyo, inkulungwane ezingamakhulu amabili zamadollar-$200,000, ngenyanga.

Osaphethe isikhundla somqondisi we Air Zimbabwe uMnumzana Innocent Mavhunga utshele i-Committee yedale le phalamende ebona ngezokuthwalwa kwezinto ukuba i Air Zimbabwe ilendiza mtshina ezimbili zakulezinsuku zohlobo lwe Air Bus ezilokhe zingakasebenzi kodwa izibhadalela inkulungwane ezingamakhulu amabili zamadola US$200 000 ngenyanga.

Osaphethe isikhundla sikamgcinisihlalo weBoard ye Air Zimbabwe engu mabhalani njalo kugatsha lwezokuthwalwa kwezinto uMnumzana Munesuishe Munodawafa uthe enye yalezi ndiza ise Goli sikhuluma kanye ukuze ilungisiswe.

Inkampani le ithi izimisele njalo isilungele ukuthwala izethekeli ezizafika eZimbabwe ukuzongena umhlangano omkhulu wenhlanganiso yomanyano wamazwe womhlaba oweUnited Nations World Tourism Organisation General Assembly wezokwethekelelana kwamazwe ozakwenzelwa e Victoria Falls lonyaka.

Kubika intathelizindaba yeStudio 7 uMark Peter Nthambe osethulela loludaba eseHarare.

XS
SM
MD
LG