amalinks wokungena

Breaking News

Ibandla lePeople First Likhala Ngodlakela Elithi Luvela KwabeZanu PF


Ekuqhubekeni kodlakela lwezombusazwe, abasekeli bebandla le Zimbabwe People First babikwa betshaywe kakubi emhlanganweni kade belawo eGlenview edolobheni leHarare ngoMgibelo ngabacatshangelwa ukuthi ngabasekeli bebandla le Zanu PF.

Kubikwa kuze imota eziyisithupha emhlanganweni lo kade zigcwele ontanga baqala ukujikijela amatshe kwalimala abantu abambalwa.

Inhlanganiso yentathelizindaba eye AP ithi kulenye imota ebithwele abantu laba ethethwe ngamapholisa kwabotshwa abanye kade bephakathi kwayo.

Udlakela lolu lubikwa luthethe imizuzo emilutshwane kuphela ngoba amapholisa ephange angenela alumisa.

Kuthi Chitungwiza ibandla le Transform Zimbabwe lithi kulabantu elibaqambe ngamagama abebandla le Zanu PF bemanyene lamapholisa amabili lesotsha abathumbe abasakhulayo bebandla leli abayisithupha bahlukuluzwa ilanga lonke langesonto baze bakhululwa ebusuku.

Imizamo yokukhuluma lamapholisa yehlule kodwa sikhulume lesikhulumeli sebandla le People First uMnu. Rugare Gumbo othi bayalusola kakhulu udlakela kwezombusazwe.

"Abantu be Zanu PF batshaya abantu bethu kodwa amapholisa angenela ayenza ukuthi abantu beZanu PF babuyele bengalimazi abantu. Thina sifuna ukwenza izinto kungela violence," kutsho uGumbo.

UGumbo uthi bakhona abalimeleyo lanxa ubengakatholi inani labo esithi abanye bebelokhu besesibhedlela ngoMvulo.

Uthe lanxa babekhona kubandla leZanu PF bengakholwa ukuthi lelibandla lilodlakela, usevuma kathesi.

Kutsho uGumbo: "Into ehluphayo yikuthi ezinye izinto siku Zanu sasingaziboni kodwa into ekhona yikuthi into embi, imbi. Kasisoze sifihle sithi kwakulungile."

please wait

No media source currently available

0:00 0:01:47 0:00
Lapho esitholakala khona

XS
SM
MD
LG