amalinks wokungena

Breaking News

Ibandla leZanu PF Linqoba Kukhetho Lwe Chimanimani: Sifundo Bani Kwabaphikisayo?


Zimbabwe Elections
Zimbabwe Elections

Ibandla le Zanu PF linqobile kukhetho lokudinga ozamela isigaba se Chimanimani ngempelasonto.

Obemela ibandla leli, uNkosikazi Nokuthula Matsikenyere uthole amavoti azinkulungwane ezilitshumi, 11 446 kuthi obezimele, uMnu. Edmore Mtetwa uthole amavoti adlula kancance inkulungwane ezintathu, 3 018 votes.

Kuthi uMnu. Peter Gudyanga, obemele ibandla elikhokhelwa nguMnu. Elton Mangoma ele Renewal Democrats of Zimbabwe wathola amavoti afika phose amakhulu amabili, i 183 votes, obemele iNational Constitution Assembly, uMnu. Pesanai Musakaruka yena wathola amavoti alikhulu , 171 votes.

Njengenjayelo, amabandla aphikisayo athi bekulokuqilibezela. Umbuzo osukhona ngothi kanti vele amabandla aphikisayo azafa enelisa ukunqoba yini emaphandleni.

Ukuhlaziya loludaba sixoxe lengcwethi ecubungula ezombusazwe, uMnu. Brilliant Mhlanga othi amabandla ezombusazwe kawasoze anqobe emaphandleni nxa engamanyananga.

"Indaba ye opposition eZimbabwe kayikafiki kusibanga sokuthi babe yi big front bame against iZanu PF. Isikhathi sonke sibona besima ngamunye ngamunye. Yikho esikubone kusenzakala e Norton uThemba (Mliswa) enqoba kodwa angimboni enqoba kukhetho oluzayo," kutsho uMhlanga.

please wait

No media source currently available

0:00 0:02:07 0:00
Lapho esitholakala khona

XS
SM
MD
LG