Ibhanga leReserve Bank of Zimbabwe lithi selimise amankampani ambalwa ukusebenziswa amabhanga ngoba ayala ukusebenzisa imali entsha eyeZimbabwe gold (ZiG).
Iphephandaba leSunday Mail lithi sokuvalwe ama-accounts amankampani alitshumi lanye – 11 abengafuni ukusebenzisa imali le. Awavezwanga amagama amankampani la. Kucatshangelwa ukuba amanye adlelana lohulumende.
Kusenjalo, abathenga bethengisa impahla emigwaqweni bathi okwamanje i-dollar elilodwa lithenga ama-Zimbabwe Gold angamatshumi amabili – 20. Emkambo kahulumende idollar lithenga amaZiG edlula kancane itshumi lantathu.
Omunye wabathengisa emigwaqweni uNkosazana Charity Mpofu ukhala ngokwenziwa ngabathengisa imali emkambo wensitha.
Kasenelisanga ukukhuluma leziphathamandla zebhanga leRBZ lezikahulumende ukuze bekhulume ngodaba lolu.
Okubandla leZanu PF njalo othakazelela ezomnotho, uMnu. Partson Sibanda, uthi kumele kujeziswe abantu lamankampani abatshaphaza iZiG.
Forum