amalinks wokungena

Breaking News

Icala LikaMahiya Lidluliselwa Phambili


Umthethwandaba weHarare udlulisele phambili ukuthethwa kwecala lomkhokheli wabalwa impi yenkululeko, uMnu. Douglas Mahiya ukuze lithethwe ngoMgqibelo.

UMahiya wetheswa icala lokuthuka uMongameli Robert Mugabe.

Omunye wakhe owabotshwa ekuqaleni kweviki, uMnu. Victor Matemadanda laye umiswe phambi komthethwandaba lanxa ubefuna icala lakhe lilahlelwe khatshana ngoba usevalelwe okwesikhathi esedlula amahola angamatshumi amane lathoba minwe mibili njengalokho okufunwa ngumthetho.

Kodwa umantshi walile ukwamukela isicelo sakhe esithi kumele aphindele njalo emthethwandaba ngoMgqibelo. Bobabili laba balethwe emthethwandaba befakwe izankosi.

Kolunye udaba oluhambelana lalolu, izakhamizi zako Bulawayo ezingamatshumi athoba minwe mibili ezibotshwe kumaviki amathathu edluleyo kuze kube lokutshengisela kwe Shutdown, zimiswe phambi komthethwandaba ngoLwesihlanu kodwa udaba lwazo lwadluliselwa phambili ngenyanga ezayo.

Umfundisi Useni Sbanda
Umfundisi Useni Sbanda

UMfundisi Useni Sibanda omunye wabakade bekhona laba bantu bemiswa phambi komthethwandaba uthe yena labanye abanengi abakade bekhona ukuzosekela badane kakhulu ngokubehleleyo.

Ethi “Abantu kuyabazondisa kakhulu okwenzakala kulaba bantu, yikho izakhamizi zeBurombo ezeMakokoba zize ngobunengi emthethwandaba ukuzotshengisa ukuthi bayabasekela njalo bayabuzwa ubuhlungu abalabo, befelanje ukuthi babayiingxenye yababetshengisela ukukhathala kwabo ngokwenzakala elizweni”

please wait

No media source currently available

0:00 0:01:42 0:00
Lapho esitholakala khona


XS
SM
MD
LG