amalinks wokungena

Breaking News

I-Caps United Yiyo Esehlezi Phezu Kwengalane Yemiklomelo kuPSL


Iqembu lenguqu eleCaps United
Iqembu lenguqu eleCaps United

Intathelizindaba yeStudio 7, yezemidlalo uJoseph Njanji usipha impumela yemidlalo yenguqu eyesigaba se Premier Soccer League edlalwe elizweni ngoLwesithathu emini.

Iqembu le Caps United yilo eselihlezi phezu kwengalane yemiklomelo lilemiklomelo engamatshumi amabili lathoba munwe munye ngemva kokunqoba ele Tsholotsho nge 2 ka nya emdlalweni obusenkundleni ye National Sports Stadium ngoLwesithathu emini.

Iqembu ebelihlezi phezulu phambilini kwemidlalo yanamhla ele FC Platinum linqotshwe ngele Hwange nge 2 ka 1 emdlalweni obusenkundleni yeColliery.

Edolobheni lako Bulawayo bekulemidlalo emibili enkundleni yeBarbourfields njalo emdlalweni wakuqala iqembu le Bulawayo City linqobe ele Border Strikers nge 1 ka nya.

Ohlohlele iqembu le Bulawayo City ngu Humphrey Muchichwa Ncube yena olitshayele emambuleni ngehlandla lesibili elomdlalo.

Limpumela itshiye iqembu le Bulawayo City lilemiklomelo engamatshumi amabili.

Abafana beBulawayo City kabadlalanga ngendlela abajwayele ukudlala ngayo kodwa ukaputeni waleliqembu uXolisani Ncube utshele intatheli ekupheleni komdlalo ukuba okuqakathekileyo yikuthola imiklomelo emithathu.

“Namhla besifuna ukunqoba nomakanjani. Besikwazi ukuba umdlalo wanamhla uzakuba nzima kodwa bekungayenzi ukuba sidliwe yikho sidlale singacecisi kodwa sijahe ukuhlohla

Umdlalo wesibili odlalwe enkundleni ye Barbourfields uphele zingutshiki lobhanqa kungela qembu elenelise ukulitshayela emambuleni phakathi kwe Chicken Inn le Ngezi Platinum.

Kweminye imidlalo edlalwe ngoLwesithathu iqembu le Triangle linqobe ele Chapungu nge 1 ka nya kuthi ele Harare City linqobe ele ZPC Kariba nge 1 ka nya.

NgoLwesine iqembu le How Mine lizemukela ele Dynamos enkundleni ye Barbourfields kuthi iqembu le Mutare City Rovers lizadibana lele Highlanders enkundleni yeSakubva.

please wait

No media source currently available

0:00 0:01:40 0:00
Lapho esitholakala khona

XS
SM
MD
LG