amalinks wokungena

Idale leHigh Court Likhulula Isikhulumeli seTajamuka uMkhwanazi

  • Ntungamili Nkomo

Promise Mkwananzi

Idale leHigh Court ngoLwesithathu livumele isikhulumeli somkhankaso weTajamuka-Sesijikile uMnu. Promise Mkhwanazi loMnu Bruce Usvisvo ukuthi bahlawule imali yesibambiso ibail ukuze bakhululwe.

Ababili laba besebelamaviki amathathu bevalelwe esitokisini besetheswa icala lokubangela udlakela ekutshengiseleni okwaba khona eHarare lapho okwatshiswa khona imota yamapholisa leyomsakazi weZBC.

Igqwetha likaMkhwananzi loUsvisvo uMnu Tonderai Bhatasara utshele umsakazo lo ukuthi umahluli wedale usole umantshi ngokwala ukukhulula ababili laba esithi besingekho isizatho sokubancitsha ibail.

Isiphathamandla somkhankaso weOccupy Africa Unity Square uMnu Charles Nyoni uthi bayakujabulela ukukhululwa kukaMkhwanazi lomunye wakhe.

Kodwa uthi okudanisayo yikuthi banengi abalokhe bevalelwe ezitokisini zeHarare ababotshwe phezu kokutshengisela osokuhlezi kusenzakala kulezinsuku uzulu esola umbuso weZanu PF.

XS
SM
MD
LG