amalinks wokungena

Idale Lephalamende Libuthelela Imbono Kazulu Ngama Bond Notes

  • Chris Gande

Imali yohlobo lwama bond notes eqalise ukusebenza ngoMvulo.

Imali yohlobo lwama bond notes eqalise ukusebenza ngoMvulo.

Lanxa imali yohlobo lwama bond notes isiyethulwe okusemthethweni kwele Zimbabwe, ikhomithi yedale lephalamende iphakathi kokukhulumisana lozulu kundawana zonke zelizwe ibuthanisa imbono yakhe ngodaba lwemali le.

Abantu abanengi eZimbabwe kade besithi kabayifuni limali ngoba ilakho ukubangela ukubhidlika komnotho welizwe njengalokho okwenzakala ngomnyaka ka 2008 kuze kusungulwe imali okwakuthiwa ngama bearers’ cheques.

Uzulu ubelokhe engazi ukuthi imali le iyisimo bani kwaze kwaba ngoMvulo lapho eqale ukusebenza khona. Iphephandaba leHerald libika ukuthi ezinye izisebenzi zebhanga le Post Office Savings Bank zibotshelwe ukuthatha imfanekiso yemali le ingakethulelwa uzulu ngempelasonto. Ibhanga lePOSB lihlawuliswe imali enengi okumangalisayo ngesehlakalo lesi kwathi-ke izisebenzi eziyenze lokhu zaxotshwa umsebenzi.

Abanye abathengisa amafutha ezimota babikwa ukuthi bakhuphule isisindo semali le kodwa ngoLwesibili kukhanya inengi labo beselibuyisele njalo isisindo semali le salingana ledola leMelika.

Ukuhlaziya loludaba sixoxe lesakhamuzi sakoBulawayo, uMnu. Marko Banda, saqala ngokumbuza ukuthi udaba lwemali le entsha eyama bond notes uyibona njani.

XS
SM
MD
LG