amalinks wokungena

'Ikomishini Yamalungelo Iqondile Ngokusola Ucuku Lwamapholisa'

  • Ntungamili Nkomo

Amapholisa aweZRP etshaya omunye wabakade betshengisela ngeviki edluleyo

Abalwela amalungelo oluntu sebamukele ngenjabulo umbiko wekomishini ebona ngamalungelo, iZimbabwe Human Rights Commision, ochothoza amapholisa ngokutshaya abantu abatshengiselayo ngokuthula.

Embikweni ewethule ngempelaviki, ikomishini le ithe okwenziwa ngamapholisa lokhu lihlazo elikhulu njalo yikwephula amalungelo kazulu.

Ithe njalo ubufakazi ebuthole ngemva kwezehlakalo zeviki edluleyo buveza sobala ukuthi amapholisa atshaya abantu mahlayana ebajikela ngentuthu ehitshayo ngitsho labantwana abangelacala.

Ngalokho, ikomishini le ithi amapholisa ahulukuza uzulu kumele ebotshwe njalo ithi abantu abangaba behlukuluzwe ngamapholisa kumele baze kiyo ukuzemangala.

Ikhuthaze njalo uMongameli Mugabe ukuthi avumele abantu batshengisele ngoba belelungelo leli phansi kwesisekelo sombuso.

Igqwetha elilwela amalungelo oluntu uMnu Lucas Nkomo utshele iStudio 7 ukuthi iZimbabwe Human Rights Commission yenze kuhle ngokusola ucuku lwamapholisa.

XS
SM
MD
LG