NgoLwesibili mhlaka 8 ngoLwezi izizalwane zeMelika zizavota kukhetho oseluvuse idlabuzane okungakaze kubonakale kulelolizwe.
Bana leqiniso ukuthi uyalandela okwenzakala ngalolusuku ngokulandela umsakazo we Voice of America. Intathelizindaba ze VOA zizaba zisezigodlweni zebancintisayo, uMnu. Donald Trump loNkosikazi Hillary Clinton ukulethulela okuzabe kusenzakala.
Ngalokho umsakazo we Studio 7 uzalethulela okuzaba kusenzakala kuhlelo lwe Livetalk oluzethulwa ekuseni ngesikhathi sika 5 kusiya ku 6 ekuseni. Sizalethulela njalo okuyaba kusenzakala ebulenjini be Facebook.
Kuthi ngoLwesithathu 9 Lwezi umsakazo we VOA Zimbabwe uzakuba lehola elilodwa kusukela ngo 10 ekuseni kusiya ku 11.
Kuthi njalo ngalelolanga mhlaka 9 Lwezi sizalethulela ezinye njalo indaba zokhetho kunhlelo zethu zansuku zonke kusukela ngo 7 kusiya ku 8 ntambama lakuhlelo lwe Livetalk kusukela ngo 8 kusiya ku 9 ntamba. Lalelani okuzakuba kusenzakala emsakazweni we Studio 7.
