amalinks wokungena

IMF: Uhulumende weZimbabwe Kumele Elwisane Lobuhuquluzi

  • Ntungamili Nkomo

IMF

Inhlanganiso yeInternatinal Monetary Fund (IMF) sixwayise uhulumende weZimbabwe ukuthi elwise ubuhuquluzi njalo atshiyane lokudlalisa imali emizameni yokuvuseela umnotho.

Inhlanganiso yeIMF yethule inkuthazo le ngoMvulo ngemva kokuba iqula layo elethekelele eZimbabwe ngeviki edluleyo ligqibe uhambo lwalo.

Inhlanganiso le ithe lanxa umnotho weZimbabwe uzathuthuka kancane lonyaka ngenxa yesivuno esihle lokwenjiwa kwamatshe aligugu, kulesidingo sokuthi uhulumende ethule imithetho ehuga amabhizimusi akwamanye amazwe.

“Kuyadingeka ukuthi uhulumende ayehlise indleko yakhe njalo lokhu angekwenza ngendlela ezinengi ezigoqela ukuquma inani lezisebenzi zakhe,” kutsho iIMF.

“Uhulumende kumele njalo aveze sobala ukuthi uzimisele ukwamukela abakwamanye amazwe abangathanda ukuzevula amabhizimusi eZimbabwe.”

Amazwi eIMF agcizelelwe yingcwethi kwezenotho, uMnu. Masimba Kuchera.

Facebook Forum

XS
SM
MD
LG