Uhlangothi lwenhlanganiso yomanyano wamazwe womhlaba olwe-UNICEF luthi inani labantu abalezambuzi liphansi kwengxenye yekhulu ngalesi sikhathi iZimbabwe ilwisana lodubo lwemikhuhlane efana loweCholera.
Inani eliphansi kwamatshumi amane lantathu ekhulwini -42.9% libikwa liyilo elilezambuzi njalo eledlula amatshumi ayisikhombisa lanhlanu -76.2% lithola amanzi ahlanzekileyo kalula.
Lokhu kukhutshwe kugwalo lweUNICEF Zimbabwe indawonye lohlangothi lukahulumende olweZimbabwe National Statistics Agency (ZIMSTAT).
Ugwalo lolu luveza ukuthi isigaba seMatabeleland North yiso esilabantu abalutshwane abalezambuzi njalo bethola amanzi ahlanzekileyo.
Udubo lolu lulakho okwengezeleleka lonyaka kulandela ukungani kwezulu okubangele ukutsha kwamanye amadamu.
Ukhansila ka Ward 7 eBrunabeg uMnu Nehemiah Sihlahlabani Moyo utshele iStudio7 ukuthi udubo lwamanzi ludinga ukubambisana kukahulumende, izakhamizi lenhlanganiso ezisebenza zizimele.
Forum