amalinks wokungena

Inhlanganiso Elwela Ilungelo Labantwana Ithola Izicoco Ezintathu

  • Mavis Gama

Umqondisi wenhlanganiso yeNational Council of the Welfare of Children, uRev. Taylor Nyanhete lobona ngokuqhutshwa kwenhlelo enhlanganisweni le, uMnu. Maxim Marungweni.

Inhlanganiso elwela amalungelo abantwana eye Zimbabwe National Council of the Welfare of Children (ZNCWC), ithole izicoco ezimbili zokusebenza kahle emhlubulweni wangezansi yezwekazi le Africa.

Umkhosi walonyaka wokunikezwa lezi zicoco, wenzelwe e Johannesburg kwele South Africa, wangenwa ngabavele emazweni alitshumi lantathu - 13, angezansi kuzwekazi le Africa.

Lezi zicoco zibalisa esokuba yiyona nhlanganiso eyethule okubulalkileyo ukwedlula ezinye kulokho ezikuqhuba eZimbabwe ese Best Presenter kanye lokuba yinhlanganiso eqhuba umsebenzi wayo kakuhle ese Best Excellence Work, ukulondoloza amalungelo abantwana lokusebenzisana kuhle lezinye inhlangothi okubalisa uhulumende, uzulu lentathelizindaba.

Inhlanganiso le ichazwe njengesebenze ukwedlula ezinye kulumhlubulo ngakho-ke yatholiswa lezi zicoco phansi kwe “Member of the Year award 2016 ”.

Lezi zicoco bazithole ngemva kokuba bethule abakwenze ngomnyaka ka 2016, ekusebenzeni kwabo, belwela amalungelo abantwana.

Facebook Forum

XS
SM
MD
LG