amalinks wokungena

Breaking News

Indwendwe Zabafolela Ukuthola Imali koBulawayo Ziveza Ukuhawula Kwabantu


Imitshina yama ATM akoBulawayo
Imitshina yama ATM akoBulawayo

Ukusilela kwemali kuqhubekele phambili koBulawayo, indwendwe zabantu zibonakale zizinde emabhanga amanengi ngoLwesihlanu, kuthi eminye yemitshina ekhafula imali yamaATM eminengi ingasebenzi kumbe inikeza amaRand akwele South Africa kuphela. Ngelanga umuntu evunyelwa ukuthatha amaRand edlula inkulungwane - R1,300 kuphela.

Umtshina okhafula imali koBulawayo
Umtshina okhafula imali koBulawayo

Abantu bavukela emabhanga batshone befolele besithi mhlawumbe kungeza abangazogcinisa imali. Ngelanga abantu baphiwa ikhulu lamadola-$100 abanye nxa ulenhlanhla abe ngamakhulu amathathu- $300, kuthi abanye bathole amakhulu amahlanu-$500 ngeviki.

Imitshina ekhafula imali kwamanye amabhanga ayisebenzi kuthi esebenzayo ikhafula amaRand aweSouth Africa kuthi amanye amabhanga akhafula $300 ngelanga umuntu munye.

Amavinkili athengisa ukudla lempahla asevuma ukubhadalwa ngemali yePlastic kodwa awaphi bantu imali ngoba kungela mali ebantwini kuthi abapha imali umuntu uvunyela ukuqala athenga ethi esephiwa amadola angedluli ikhulu.

Isisebenzi sebhanga leCABS, oyale ukuvezwa igama uthi kabala mali, balinde ukuba abantu bazogcinisa ngakhoke abafisa ukubuyela emakhaya bakhululekile, abafisa ukulinda kungesifanayo.

Abantu bekundwendwe zokuthatha imali koBulawayo
Abantu bekundwendwe zokuthatha imali koBulawayo

Omunye wabakade belinde ukuthatha imali eCABS, uMnunzana George Ndlovu uthi umelele kusukela ekuseni kodwa kakatholi lutho, kungenwa ngamanumber njalo lemali ebikwa bezayinikwa ingeneli lutho.

UNdlovu uthi njengoba imali abazamupha yona ingeneli ngitsho lokubhadala indlu ahlala kiyo useze efisa ukuthi iphange ibuye imali yamabond notes, uhulumende athi uzayidinda.

Isimo somnotho eZimbabwe asimanga kahle abantu bahola nzima osekubangela ukuba balahlekelwe yimali enengi uma betshonela ukuyathatha imali nsukuzonke.

Umphathintambo wezemali, uMnunzana Patrick Chinamasa uyavuma ukuba ilizwe libhekane lokusilela kwemali njalo uphakathi kokuyacela isikwelede emazweni alobudlelwano obuhle leZimbabwe kodwa labo babapha imigoqo enzima ukuba uhulumende ayivume.

Izisebenzi azisela malanga ahlelekileyo okuhola njalo mhlazana beyihola amabhanga ayabe engela mali okwenza kube yinhlalayenza indwendwe zabalinde ukuthola imali emabhanga.

please wait

No media source currently available

0:00 0:03:29 0:00
Lapho esitholakala khona

XS
SM
MD
LG