amalinks wokungena

Inhambo ZikaMongameli Mugabe Zidala Inkulumo

  • Chris Gande

UMongameli Robert Mugabe.

UMongameli Robert Mugabe usuke eZimbabwe ngoMvulo elubhekise kwele Morocco emhlangweni wokuhlaziya ezomkhathi owe Conference of The Parties kumbe COP22.

UMugabe ubekhatshwe ngumphathintambo wezemvelo, uNkosikazi Oppah Muchinguri Kashiri, uMnu. Simbarashe Mumbengegwi owezobudlelwano lamanye amazwe lonobhala obona ngezokwethulwa kwemibiko, uMnu. George Charamba, lezinye iziphathamandla zikahulumende.

Uhambo lukaMugabe lequla lakhe seludale inkulumo abanye besithi kanti vele luncedani ilizwe lona liphakathi kodubo.

Umhlangano webandla leZanu PF owe Politburo owenziwa ngoLwesibili wenziwe ngoMvulo ngoba uMugabe ubelungiselela loluhambo.

UMugabe usengohlala engekho elizweni esiya emhlanganweni eminengi nengi eminye afika abe nguye yedwa umongameli.

Owayengumphathintambo wezemali, uMnu. Tendai Biti, wake watshela iStudio 7 ukuthi uMugabe nxa esuka elizweni kusetshenziswa imali engaba yizigidi ezintathu zama dolllar - $3 million ngohambo lunye.

Sixoxe lengcwethi ecubungula ezombusazwe, uMnu. Walter Nsununguli Mbongolwane, ukuze sizwe imbono yakhe ngaloludaba.

"Umongameli Mugabe nxa esuka elizweni kalandaba lokuthi abantu bacabangani njalo imali evele ingekho elizweni uyisibenzisa ngendlela ebuhlungu kakhulu."

XS
SM
MD
LG