amalinks wokungena

Inhloko zeNdaba Lwezi 15, 2016

  • Intathelizindaba ZeStudio

Inhloko zeNdaba

Ndebele headlines Lwezi 15, 2016

Endabeni zethu lamhlanje ……………..

************** Abohlangothi lukahulumende olubona ngezokhetho olwe Zimbabwe Electoral Commission baveze ukuba izizalwane zeZimbabwe ezisemazweni kazenelisi ukuvota zingekho elizweni ngoba kudingeka ukuthi zibhalise ngohlelo olutsha olweBiometric.

********* Inhlanganiso zikazulu, ezombusazwe, ezamabandla ezokholo lezamasiko zabeZimbabwe abahlala kweleSouth Africa, sezibumbe umanyano eziwubiza Zimbabwe Diaspora Vote Coalition. Lezi inhlanganiso zithi inhloso yalo umanyano yikulwela ilungelo lokuthi zonke izizalwane zeZimbabwe zivunyelwe ukuvota ziseSouth Africa ekhethweni luka 2018.

************* Ababona ngoncedo lwemali ephiwa amazwe womhlaba kwezentuthuko eye International Monetary Fund- IMF sebethule izijeziso zenotho ezetsheswa iZimbabwe.

************** Inkampani yendizamtshina yakwele Botswana eye Air Botswana isimise uhambo lokuphapha phakathi kweGaborone leHarare.

********** KuLivetalk lamuhla sixoxa ngabatshengisela ezitaladini eZimbabwe bekhonona ngombuso kaMongameli Robert Mugabe lalabo abangafuni ukuthi uMnu. Donald Trump weMelika abengumongameli walelolizwe kulandela ukhetho olwenziwe ngeviki ephelileyo. Lithini ngalokhu? Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, lo 15460 kilohertz kuShortwave. Sitholakala njalo kuWhatsapp lakuFacebook ekhasini lethu ele VOA Ndebele.

XS
SM
MD
LG