************** Inhlanganiso ezitshiyeneyo eZimbabwe zithi zizatshengisela ezitaladini zikhonona ngemizamo yebhanga leReserve Bank of Zimbabwe yokwethula uhlelo lwama bond notes.
********* Sizahlolisisa udaba lolu ngokujulileyo lamuhla ngesikhathi abantu abanengi eZimbabwe bebhekane lokusilela kwemali emabhanga.
********* Amapholisa aphazamisa umhlangano lapho ibandla le Zapu ebelizoloba khona phansi ukungena kumanyano wamabandla angaphansi kwenhlanganiso ye Coalition of Democrates.
********* Ingcwethi kwezesimo somkhathi lezombusazwe zithi akusoze kuncede lutho ukuthi eleZimbabwe libeyingxenye yeParis Climate Agreement ezama ukuphungula isikhudumezi emkhathini emhlabeni wonke jikelele nxa kungelamizamo ebalulekileyo yokwenza lokhu kuzulu lakuhulumende.
********** KuLivetalk lamuhla kuhlelo lwabesifazane ‘Asiyihluzeni Bomama’ sixoxa ngokuswelakala kwamanzi endaweni ezinengi eZimbabwe ngenxa yokungani kwezulu nyakenye okwenziwe yisikhudumezi seEl-Nino. Sizahlolisisa njalo okwenzakalayo emkhathini okwenza ukuthi kungani izulu lokuthi eleZimbabwe lingenzani ukuthi linqabele ukukhudumala komkhathi okuletha ukuhlupheka emhlabeni.
Lithini ngalokhu? Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, lo 15460 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.