amalinks wokungena

********** UMnu. Morgan Tsvangirai loMnu. Welshman Ncube balobelana isivumelwano sokusebenza ndawonye kukhetho oluzakwenziwa ngomnyaka ozayo eZimbabwe.

********** IZimbabwe Electoral Commission ikhangelelwe ukuthi izakwenza umhlangano omkhulu lamalunga amabandla atshiyeneyo labantu abafuna ukubakwazi ukuthi ibhalisa njani uzulu kugwalo lokuvota.

********** Sizahlolisisa izivumelwano esenziwe ngamabandla agoqela eleMDC-T, iMDC ekhokhelwa nguMnu. Welshman Ncube leNational People’s Party kaNkosikazi Joice Mujuru.

********** Inhlanganiso yeWorld Vision ithi iqhubekela phambili idinga imali yokuqhuba inhlelo zamantombazana.

********** Kubunjwa inhlanhlanganiso yebesifazana kwele South Africa okuthiwa yiMbokodo efuna ukumanyanisa abesifazana umhlaba wonke jikelele.

********** KuLivetalk lamuhla kuhlelo lwabesifazana ‘Asiyihluzeni Bomama’ sixoxa ngokukhahlamezwa kwabantu abasuswa epulazini leAnorld Farm nguNkosikazi Grace Mugabe. Inengi lalabo asebehlupheka phandle kwepulazi leli ngabesifazana labantwana. Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele.

Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG