Endabeni zethu lamhlanje ……………..
********* Ukusilela kwemali kuqhubekela phambili koBulawayo, indwendwe zabantu zibonakala zizinde emabhanga amanengi kuthi eminye yemitshina ekhafula imali yamaATM eminengi ingasebenzi kumbe inikeza amaRand akwele South Africa kuphela.
********* Uhulumende weZanu PF ukhanya eseqinisa umkhankaso wakhe wokubopha bonke abalembono ehluke kuleyakhe osokugoqela lamanye amalunga abalwa impi yenkululeko asebebotshwa mihla ngemihla ngemva kokuveza isifiso sabo sokubona umongameli Mugabe esuka esikhundleni ngoba eseluphele.
*********** Iqembu leZimbabwe lamantombazana aleminyaka engaphansi kwamatshumi amabili elamaUnder 21, bomdlalo wokuqaga ibhola owenetball seliphumelele ukungena kumincintiswano yenkezo yamazwe womhlaba eyeWorld Cup yangomnyaka ozayo ka2017..
********** Umhlangano omkhulu webandla lamaDemocrats owe Convention ugqitshwe izolo ntambama ePhiladelphia osekhethwe ukumela leli bandla kukhetho lokudinga umongameli uNkosikazi Hillary Clinton esethula amazwi akhe wokwamukela lesi sicoco sokuthi angacina esiba ngumongameli wesifazana wakuqala weMelika .
**********KuLivetalk namhlanje sikhangela ukuqhubeka kokuhlukuluzwa kwalabo abalembono ehluke labasembusweni abagoqela abalwa impi yenkululeko. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15775 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
