amalinks wokungena

Inhloko zeNdaba, Lwezi 22, 2016


Inhloko zeNdaba

************** Abalwa impi yenkululeko abahlanu - uMnu. Douglas Mahiya, uFrancis Nhando, Victor Matematanda, Headman Moyo loHoyini Samuel Bhila - bakhangelelwe ukuya emthethwandaba lamuhla ukuyakhonona ngokuqhatshwa komele umtshutshisi welizwe, uMnu. Ray Goba, abathi akumelanga abesewofisini leyo. Abahlanu laba betheswa icala lokuthethisa uMongameli Robert Mugabe.

********* Inhlanganiso yabosomabhizimusi eye Zimbabwe National Chamber of Commerce ilobelana isivumelwano lenhlanganiso zeSouth Africa sokuthenga lokuthengiswa kwempahla etshiyeneyo.

********* INational Gallery ye Zimbabwe ikhuthaza ukulondolozwa kwamasiko lemikhuba yesintu kumbukiso othakazelelwa ngabantu oqhubekela phambili eHarare otshengisa impahla yesintu ehambelana lamasiko lemikhuba kazulu.

********* Sizahlolisisa imizano kahulumende yokudinga imali yesizwe ngokukhuphula imithelo yegwayi lokunye okufanayo.

********** KuLivetalk lamuhla kuhlelo lwabasakhulayo olwe The Connection sixoxa ngesimo sabaculi, okubazwayo lokunye okwenziwa yisizalwane zeZimbabwe. Lithini ngabaculi labanye abenza okufanayo okokubaphilisa? Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 lo 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.

XS
SM
MD
LG