************** UMongameli Robert Mugabe uthi uhulumende uzanika abalimi abazinkulungwane ezingamakhulu ayisitshiyangalombili – 800,000 - inhlanyelo lonyaka kuhlelo lwakhe lwePresidential Input Scheme.
************** Sizalethulela lokunye okukhulunywe nguMugabe okugoqela umhlabathi onikwe abasakhulayo, uhlelo lweSTEM lokudlwengulwa kwabesifazane.
************** Ikhomithi yenhlanganiso yeUnited Nations eqoqa ukudla kosizo emazweni asezansi yezwekazi le Africa iRegional Inter-Agency Standing Committee, ithi idinga usizo lwesiphangiphangi lwemali yokuphandela ukudla abantu abanengi abalambayo emazweni asezansi yezwekazi le Africa. Linhlanganiso ithi abadinga uncedo lokudla eZimbabwe sebesedlula izigidi ezine – 4 million.
********* Seliyehlile okumangalisayo inani lezizalwane zeZimbabwe ezisebenza kwele Botswana.
********** KuLivetalk lamuhla kuhlelo lwabasakhulayo olwe The Connection sizabe sixoxa ngokwethulwe nguMongameli Robert Mugabe kumbiko wakhe oqakathekileyo oweState of the Nation Address. UMugabe uthi uhlelo lokwabela abasakhulayo umhlabathi emadolobheni luqhubeka ngemfanelo. Lithini ngalokhu lokunye okwethulwe nguMugabe?
Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.
