amalinks wokungena

************** Amagqwetha alwela ilungelo loluntu akunhlanganiso yeZimbabwe Lawyers for Human Rights asebhalele amapholisa ugwalo lokukhonona ecela ukuthi uMfundisi Phillip Mugadza owatshaywa wasebotshwa ngamapholisa labacabangelwa ukuthi ngamapholisa ensitha etshengisela esitaladini eHarare ngoLwesibili ahanjiswe esibhedlela.

********* Abalandeli bebandla leZanu PF esabelweni seMashonaland Central bathi abasekeli bomongameli webandla leli kumele bakhethwe nguzulu hatshi ngumongameli okhethwa emhlanganweni weCongress.

********* EleBotswana liphakathi kokukhulumisana leleZimbabwe ukuthi liqalise ukuhambisa ekhaya izizalwane zeZimbabwe phose ezingamakhulu ayisikhombisa eziyiziphepheli kweleBotswana. Lokhu kulandela ukuphungulwa kwemali yinhlanganiso encedisa iziphepheli emhlabeni wonke jikelele eye United Nations High Commission for Refugees.

********* Sizalethulela ezemidlalo ye African Women Cup of Nations lapho iqembu leZimbabwe eleMighty Warriors elinqotshwe khona ngele Egypt endlalweni owenziwe izolo ntambama kwele Cameroon. Uzulu uthi unompembe kenzanga kahle njengoba iMighty Warriors ihlohle ngemfanelo kodwa lokhu kwaliwa ngunompembe.

********** KuLivetalk lamuhla kuhlelo lwezizalwane zeZimbabwe ezihlala kwamanye amazwe sixoxa ngekhefu leThanksgiving kwele Melika. Lesi yisikhathi sokudla lemuli kanye lezethekeli labaswelayo. Lithini ngalokhu? Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 lo 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.

XS
SM
MD
LG