amalinks wokungena

UMongameli Robert Mugabe ukhangelelwe ukuhlanganela lenkokheli yamanye amazwe emhlanganweni omkhulu ohlolisisa ezomkhathi owe Conference of the Parties (COP22) owenzelwa eMorocco.

************** Amapholisa eBotswana adubule esinye njalo isizalwane seZimbabwe esihlala kulelolizwe. Lesi yisehlakalo sesibili phakathi kwesikhathi esifitshane esedluleyo.

********* Izakhamizi zeMpoengs ezithwele nzima ngokuswelakala kwamanzi zithi uhulumede kazincedi ngalutho ekuzameni ukulungisa uhlupho lolu.

*********** Inhlanganiso ephathisa ngosizo lwakuqala eye Zimbabwe Red Cross Society ithi udubo lwesifo setshukela ese diabetes luya lokhe luqela. Lokhu kuphumanje ngelanga umhlaba unanza ilanga lodubo lomkhhlane lo ele International Day of Diabetes.

********* Kwezemdilalo……….Selilolongwe kwenela na iqembu lama Warriors eliphakathi komncintiswano wenkezo yeAfrica Cup of Nations lonyaka? Njalo Iqembu lomdlalo wenguqu ele Bantu Rovers yilo intshantshu zalonyaka kusigaba se Southern Region Soccer League

********** KuLivetalk lamuhla sixoxa ngenhambo zikaMongameli Robert Mugabe ezigoqela ukuya kwakhe emhlanganweni weConference of the Parties (COP22) owenzelwa eMorocco phose iviki yonke. Umhlangano lo uhlolisisa isimo somkhathi emhlabeni jikelele. Lithini ngalokhu? Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, lo 15460 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.

XS
SM
MD
LG