Amapholisa eHarare atshaye kakubi abamabandla aphikisayo betshengisela namuhla phezu kombuso weZanu PF lanxa nje bebephiwe imvumo ngumthethwandaba.
Amazwe angentshonalanga abalisa eleMelika, eleBhilithani leleCanada sechothoze uhulumende weZanu PF ngokutshaya lokuhlukuluza uzulu otshengiselayo ngokuthula.
Ibandla leZapu lamhla liqhube ukhetho lokudinga inkokheli yalo entsha emhlanganweni weCongress osaqhubekayo koBulawayo.
Izizalwane zeZimbabwe ezihlala eMelika zithi amalungiselelo okutshengisela okuzenziwa emhlanganweni weUnited Nations General Assembly eNew York ngenyanga ezayo asekusibanga esiphezulu.
KuLivetalk sikhangela ukutshengisela okuqhubekayo elizweni uzulu esithi uMongameli Mugabe sokumele ehle esihlalweni.
Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15775 kilohertz kuShortwave.
Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
