amalinks wokungena

************** Ibhanga elikhulu lelizwe eleReserve Bank of Zimbabwe lithi lizakwethulela uzulu eyinye njalo imali yohlobo lwama bond notes iviki ingakapheli.

************** Inhlanganiso ezimele izizalwane zeZimbabwe zithi uMnu. Herman Mashaba, ongumayor edolobheni leJohannesburg, kumele axolise kulandela inkulumo yakhe yokuthi abantu bokuza bangamasela njalo abanye babo yizikliwi ezesabekayo okumele ziphume kwele South Africa.

************** Abenhlanganiso yomanyano wabosomabhizimusi eye Zimbabwe National Chamber of Commerce sebesungule uhlelo lokuthuthukisa osomabhizimusi besifazane olwe Women Owned Brand Campaign oluphathisa ukukhankasela imikhambo ethengisa impahla elungiswa ngabesifazane.

************** Inengi lezizalwane zeZimbabwe ezihlala kwele Botswana seziqalisile ukuthumezela imali ekhaya zisebenzisa lokho okwekusenziwa kudala ngenxa yokwesaba ukuthi bazaphiwa imali yohlobo lwama bond notes.

********* Kuhlelo Zimbabwe Today Lilo Gibbs Dube lamuhla sixoxa ngemali yamalobolo. Abakhipha amalobolo babhadala ngama bond notes, ngamadola eMelika kumbe ngenkomo. Sizaxoxa ngodaba lolu ebulenjini bokuzilibazisa kuFacebook ngo6 ntambama.

********** KuLivetalk lamuhla kuhlelo lwezizalwane zeZimbabwe ezihlala kwamanye amazwe, sizabe sixoxa ngamalungiselelo ekhefu leKhisimusi. Balungiselela njani ikhefu leli abahlala emazweni atshiyeneyo/ Lithini ngalokhu?

Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Sitholakala njalo kuWhats’app lakuFacebook ekhasini lethu ele VOA Ndebele.

XS
SM
MD
LG