Ama Councillors aka Ward 6, eMzingwane, esigabeni seMatebeleland South, alobelane phansi isivumelwano, kwezokukhulumisana lozulu kunkulumo ekhuthaza ukusebenzelana okumgceke kungela kufihlelana indaba ezipathelane lentuthuko yesigaba.
Lokhu kwenzakale kweminye yemihlangano yemfundiso, eqhutshwa elizweni eqoqwe ngabenhlanganiso eye Election Resource Centre, ngenhloso yokusungula ukuxoxisana okumgceke phakathi kwenkokheli kunhlangothi ezehlukeneyo zikahulumende lezenhlanganiso ezizimeleyo lozulu sikhathi sonke, osanda kwenzelwa khona esigabeni seMzingwane.
Alusayine ngenjabulo lolugwalo, ama Councillor, okubalisa owe Tshabandaba Village, ku Ward 6, emangweni weMzingwane, unkosikazi Hillicent Khumalo.
Omunye wala macouncillor, umnumzana Elijah Nkala we ward yena, usincome kakhulu lesi sivumelwano, wabonga uzulu weMzingwane, ngokuza lalomcabango.
Ebekhona amanye ama councillor avele kwezinye izigaba okubalisa umnumzana Stanley Mahlangu ka ward 25, eSilobela, othi kungumbono azakuyabonisana ngawo, lenkokheli yalapho avela khona.
Abe ERC bathi leli linyathelo lakuqala embalini yobudlelwano phakathi kwenkokheli yezigaba lozulu, elizakwenza kube lokuxoxisana lokubonisana kwezentuthuko okumele ilandelwe kulezo ndawo, ezigabeni ezehlukeneyo.
