Inkokheli yebandla leZAPU, isole kakhulu umongameli Robert Mugabe kulandela inkulumo yakhe eyokwethusela abalwa impi yenkululeko ethi uzabenza akwenza abehlelwa ngumbuqhazwe weGukurahundi.
Lokhu kuphume emhlanganweni weZAPU owenzelwe endaweni yamavinkili eyeAvoca, eFilabusi ngempelaviki.
Emele uMongameli weZAPU, uMnunzana Isaac Mlala utshalimani weNational Poeples Council kuZAPU ubale amazwi kaDabengwa echaza ngokubulawa kwabantu ngesikhathi sombhuqazwe weGukurahundi ethi akumangalisi uma engakwenza.
Kunsuku ezidluleyo ukulwisana kokuba ngubani ozabusa uMugabe engafa kuveze obala ukuba uMongameli Mugabe ngumuntu ofana lenja echithisiweyo ngoba wethusele abalweli benkululeko ethi uzabenza akwenza kumadizident ngeminyaka yabo 1980.
UDabengwa uveze ukuba ibandla lakhe lilakho ukusebenzelana lamanye amabandla kukhetho luka2018 ukuze umbuso wezabelo uye ebantwini kukhitshwe uMugabe osebusa ngocuku, ofuna ukusebenzisa amabond notes lokubusa ngokwethusela.
UMugabe uzimimesele ukubabelela embusweni ngazozonke indlea , kulamabandla ombusazwe kumele sibambane ukuze sikhuphe uMugabe, sikesahlangana lamanye amabandla ukuba sisebenze ndawonye thina asisasyinanga ngoba icongress yiyo okumele isiphe amandla okubambamana njaloloke sikhulumisana ukuba sisebenze ndawonye uma kungaphumelela kungcono kulokuma ndawonye..
UMnumzana John Nkala omunye wabalwa impi yenkululeko, osuka eVokola yena uthi okwamanje umbuso okhona uyazehlulekela ethi kunje imali etholwa ngabanye yena kayitholi.
Khona velengeke ngiqambe ukuthi yikuphi okusihluphayo mina ngokwami ngaphandle ngithi konke kuyasihlupha uma kungaba lomunye umbuso ohlukene lalo esikuwo
Kuthi uNkosikazi Magaret Sibanda osuka koHlatshwayo uthi bayadubeka phansi kombuso kaMugabe.
Sithwelenzima empilweni ngezinto ezingasihambeli kahle, izikolo ziyadula siswele imali zokubhadalela abantwana, asilamabhizimisis esingawenza ukuthi sizincedise empilweni sincede imuli zethu, siyalamba siyadubeka amanzi, izikotsho azikho sihamba umango omide sidinga amanzi, yilo uhlupho esilalo sicela ukuncediswa.
Insiza yindawo enothe ngelitshe eliligugu elegolide kodwa abantu bale indawo bathi sekwabuya abantu bokuza koGodlwayo bathatha umhlabathi lendawo ezilaleli litshe bona abasabalwa njalo bafuna umbuso wezabelo okusisekelo esitsha selizwe.
