amalinks wokungena

Breaking News

Intathelizindaba Zingena Umhlangano Wokuziphatha Kukhetho Oluzayo


Abalandeli bebandla leZanu PF.
Abalandeli bebandla leZanu PF.

Abenhlanganiso yentathelizindaba yeMedia Institute of Southern Africa (MISA) Zimbabwe benza imihlangano youkufundisa intathelizindaba indlela yokuzivikela lokuziphatha kukhetho oluzakwenziwa ngomnyaka ozayo eZimbabwe.

Abe MISA Zimbabwe bathi bakubone kuqakathekile ukuqhuba lumhlangano, kunanzelelwa izehlakalo zeminyakeni yangemuva ngezikhathi zokhetho lapho intathelizindaba ezihlukunyezwa khona kakhulu kumbe ukubulawa ngoba zikhangelwa njengezitha.

Obeqhuba lumhlangano, uMnumzana Rashwit Mukundu, owe MISA Zimbabwe, utshele abangene lumhlangano ukuba wenziwa ngendlela yokubaphathisa ukuba baziphathe kanjani ngesikhathi sokhetho.

UMnu. Tafadzwa Tseisi, omunye wabangene lumhlangano, uthe ukuphatheka kiwo kumsize kakhulu ngoba esefunde okunengi, okunye kwakho abekade ekweyisa.

Omunye njalo okade esemhlanganweni lo, uMnu. Mlondolozi Ndlovu, uthe usizakale kakhulu ngemfundiso ayitholileyo.

Uthe usekubona ngelinye ilihlo akade engakunanzeleli njalo uzokusebenzisa nxa eqhuba umsebenzi wakhe wokuthapha indaba.

Intathelizindaba zithi ngabe iqhutshwa sikhathi sonke imihlangano enje igoqela abantu bonke elizweni lonke ngoba abakwazi ukuzivikela ngesikhathi sokhetho.

Udaba Esilethulwe NguMavis Gama
please wait

No media source currently available

0:00 0:04:31 0:00
Lapho esitholakala khona

XS
SM
MD
LG