amalinks wokungena

Breaking News

IHighlanders Itshaye iDynamos Kwazwela ...


Iqembu lenguqu eleHighlanders linqobe iDynamos 2-1 eBarbourfields Stadium ngeSonto emdlalweni okade ubukelwe ngabantu abanengi okumangalisayo.

Lokhu kutsho ukuthi iBosso isinqobe iDynamos kabili lonyaka emdlalweni wePremier Soccer League.

Akade bebukele umdlalo lo batshele iStudio 7 ukuthi iDembare idliwe sokusele isikhathi esifitshane ukuthi umdlalo uphele.

Omunye walabo akade bewubukele, uDumisani Sithole, uthe umdlali weHighlanders uTendai Ndlovu ulithele emambuleni sokusele imizuzo emithathu kwathi-ke elinye lathelwa emambuleni nguRalph ‘Banolila’ Matema.

USithole uthe ihle yavungama inkundla abalandeli beBosso kanye labadlali sebeqolotsha eBarbourfields Stadium sebebona isiphelelwe iDynamos.

Kuqhubekele phambili ukujabula ezitaladini zakoBulawayo abalandeli beBosso begiya ngezimota, betshaya ukhwelo njalo bevuthela ngamandla ovuvuzela.

Okwamanje iHighlanders isesigabeni sesithathu engalaneni yemiklomelo yePremier Soccer League ekhokhelwa yiFC Platinum ilandelwe yiCaps United.

Amaqembu ajeke ingalani le yiMutare City Rovers, Tsholotsho FC leBorder Strikers.

XS
SM
MD
LG